Апр 10 2019

Легендар очучы.

Минем язмам Иске Зеленай авылында гади крестьян гаиләсендә туып-үскән Алимҗан улы Шәүкәт Бикбаев турында. Ул 1955 нче елның 5 октябрендә гади крестьян гаиләсендә туа, 1973 елда Иске Зеленай урта мәктәбен яхшы билгеләргә генә тәмамлый. тулырак материалны газетаның 15 номерында укыгыз.

Постоянная ссылка на это сообщение: http://kumiakk.ru/?p=3135

Апр 10 2019

Батыр якташыбыз истәлегенә

7 апрельдән 27 апрельгә кадәр өлкәбезнең барлык муниципалитетларында сәламәт яшәү рәвеше фестивале уза. Фестиваль кысаларында балалар бакчаларында, мәктәпләрдә гаилә стартлары, ярышлар, танылган спортчылар белән «Физик культура һәм спорт — уңышка юл » очрашулары үткәрелә. Моннан тыш, балалар һәм укучылар «Спорт минем тормышымда», “Без сәламәт яшәү рәвеше өчен!» дигән плакатлар, рәсемнәр, «Мин ГТО сайлыйм!», «Әти, әни, мин-сәламәт гаилә» фото конкурсларында катнаша алалар. Тулырак материалны газетаның 15 номерында укыгыз.

Постоянная ссылка на это сообщение: http://kumiakk.ru/?p=3131

Апр 03 2019

Язгы ярминкәдә

30 мартның иртәсендә Иске Кулаткы эшчеләр поселогында авыл хуҗалыгы хезмәткәрләренең язгы ярминкәсе булып узды. Бу мөһим чарада районыбызның крестьян-фермерлык хуҗалыклары тарафыннан халыкка төрле ассортиментта авыл хуҗалыгы продукциясе тәкъдим ителде. Ярминкәгә ИП «Аввәсов И. Ш.» ИП. «Шәрипов Ф. Р.», ИП Хайров ИП» ИП «Юмангулов Р. С.» ИП «Хәбибуллин Р. К.», ИП «Зөлкарнәев М. Д.» хуҗалыклары халык өчен ит, бодай, төрле ярмалар, печән һәм башка продукция, ә «Бахтеевка» производство кооперативы ит китергән иде. Ярминкәдә шулай ук Кузоватово районының “Дементьев А. И” крестьян-фермерлык хуҗалыгы да катнашты.
Язгы ярминкә халык өчен бик кирәкле. Алда аны тагын да зуррак итеп оештырасы иде.

Постоянная ссылка на это сообщение: http://kumiakk.ru/?p=3127

Апр 03 2019

Форум эшлекле узды

Быел 31 мартта һәм 2 апрельдә П. А. Столыпин исемендәге Ульяновск дәүләт аграр университетының базасында (УлГАУ) Ульяновск өлкәсендә «Авыл территорияләрен пространстволы үстерү» исеме астында төбәк форумы булып узды. Анда 320 дән артык кеше катнашты.
Форум кысаларында берничә «түгәрәк өстәл», дискуссион мәйданчык, эксперт сессияләре оештырылды. Алар авылда тормышның төрле аспектларына, аерым алганда, авылда сәламәтлек саклау тармагын, инфраструктураны үстерүгә, инвестицияләр җәлеп итүгә багышланды.
Бу мөһим чарада өлкә Губернаторы С. И. Морозов та катнашты.
Форум барышында социаль-икътисадый киңлекләрне рациональ оештыру, транспорт инфраструктурасының роле, авыл территорияләренең социаль торышы һәм перспективалары турында фикер алыштылар.
Пленар утырыш нәтиҗәләре буенча Губернатор С. И. Морозов «Авыл табибы», «Авыл укытучысы», «Авыл мәдәният хезмәткәре», «Авыл тренеры», «Агросәнәгать хезмәткәре»номинацияләрендә җиңүчеләргә бүләкләр тапшырды.
Бу форумда Иске Кулаткы район админстрациясе Башлыгының экономик мәсьәләләре буенча урынбасары И. Х. Ахмедов, Иске Кулаткы район администрациясенең авыл территорияләрен үстерү идарәсе начальнигы И. Р. Абитов, белгече И. К. Аделов, медицина буенча администрация Башлыгы ярдәмчесе Г.Ә. Богданова, крестьян-фермерлык хуҗалыкларының җитәкчеләре И. Ш. Аввәсов, Р. Ә. Богданов, “Зеленай” авыл поселенисе администрациясе Башлыгы Р. Җ. Бикбаева, “Терешка” авыл поселениесе Башлыгы Р. Р. Тәминов, үзәкләштерелгән клуб челтәре директоры Р. Р. Тюкаев һәм башкалар катнаштылар.
Р. Арифуллин.

Постоянная ссылка на это сообщение: http://kumiakk.ru/?p=3123

Мар 27 2019

Геройны искә алып

2016 елның 8 июлендә Сүрия җирендә һәлак булган якташыбыз, авиация полковнигы, Россия Герое Р. М. Хәбибуллин исемен мәңгеләштерү, яшь буынны хәрби-патриотик рухта һәм геройның батырлыгы үрнәгендә тәрбияләү максаты белән районыбызда даими рәвештә төрле чаралар, спорт бәйгеләре, истәлекле очрашулар үткәрелә. Тулырак матераилыбыз газетаның 13 номерында укыгыз.

Постоянная ссылка на это сообщение: http://kumiakk.ru/?p=3118

Мар 27 2019

Кичә һәм бүген

Күпер яңартылды.
2018 елда Иске Зеленай авылында төзекләндерү буенча юнәлешле эшләр алып барылды. Бу авылның “Узин” ягында 1910 елда төзелгән күпергә капиталь ремонт ясалды. Әлеге ремонтның смета бәясе 2,5 миллион сум тәшкил итте.
Йөз елдан артык тарихы булган күпергә ремонтны җаваплылыгы чикләнгән “ТАН” җәмгыятенең Радищево участогы хезмәткәрләре башкардылар. Хәзер әлеге объектның йөзе танымаслык үзгәрде һәм ул халыкка тагын 100 елдан артык хезмәт итәчәк.
Р. АРИФУЛЛИН

Постоянная ссылка на это сообщение: http://kumiakk.ru/?p=3109

Мар 27 2019

Җыелма команда сынатмады

23 мартта Төмәндә IX Бөтенроссия кышкы авыл спорт уеннарының финал ярышлары төгәлләнде. Анда Ульяновск, Сенгилей, Чардаклы, Мәләкәс, Барыш һәм Иске Кулаткы районнары спортчыларыннан җыелган Ульяновск өлкә командасы катнашты. Иске Кулаткы районын Кәшаф Сәлимов, Расим Азизов, Венера Нәүмәтуллина, Әсгать Бикбаев, Рафаэль Яфаров, команда тренеры Рамил Таһирович Калюшев тәкъдим иттеләр. Ә Ульяновск өлкә җыелма командасын район администрациясенең физик культура, спортны үстерү һәм яшьләр ялын оештыру буенча бүлек начальнигы Рафаэль Дамирович Мадьяров җитәкләде.
2019 елдагы кышкы уеннар программасына тугыз спорт төре: гер күтәрү һәм шәһәр спорты, чаңгы ярышлары, полиатлон, сыер савучылар һәм механизаторлар ярышлары, спорт гаиләләре ярышлары, шулай ук шахмат һәм шашка буенча ярышлар кертелгән булган. Гомумән алганда, Ульяновск өлкәсе җыелма командасы бөтен Россия буенча 17 нче урынны һәм 350 меңгә якын халкы булган үз төркемендә 2 нче урынны алды. Бу Ульяновск өлкәсе командалары чыгышы тарихында иң яхшы нәтиҗә, диләр спорт белгечләре. Безнең спортчылар беркайчан да сынатканнары юк. Быел да шулай булды. Әлеге уңыш районыбыз, Ульяновск өлкәсе өчен зур горурлык.
С. Абитова.

Постоянная ссылка на это сообщение: http://kumiakk.ru/?p=3105

Предыдущие сообщения «

» Более новые сообщения