ХХ Кулаткы укуларының пленар өлеше узды

Иске Кулаткы район мәдәният йортында ХХ Кулаткы укуларының пленар өлеше бара. Чарада Татарстаннан шәрәфле кунаклар — Бөтендөнья татар Конгрессының Башкарма комитеты җитәкчесе Данис Шакиров, Ислам динен кабул итүгә 1000 ел исемендәге Казан мәдрәсәсе директоры Ильяс хәзрәт Җиһаншин, Ульяновск, Саратов шәһәрләреннән дин әһелләре, районыбыз җитәкчеләре һәм хезмәт коллективлары, Иске Кулаткы һәм күрше төбәкләрнең имамнары, мөгаллимәләр, Иске Кулаткы 1 нче һәм 2 нче номерлы урта мәктәпләре укучылары, ана теле укытучылары һәм райондашларыбыз катнаша.