«

»

Июн 14 2017

Распечатать Запись

Современный Мәнсура

Авылның очында, ике катлы коттеджда яшәүче, “Озын Мәнсура” бозау кадәрле эте белән чик сакчысы кебек капка төбенә чыкты да, сарыкларын ияртеп баручы Инсян картка:
— Ал сарыкларыңны! Өй каршымнан узмасыннар, капка алдымны пычраталар! Югыйсә этемнән талатырмын үзләрен, – дип җикеренде.
— Мәнсура, сеңелем, без бит авылда яшибез, элек – электән һәр өй каршыннан көтү-көтү булып сыеры да, сарыгы да, кәҗәсе дә узды һәм беркем дә моңа тыгызланмады. — Ник син алай тупас кылынасың? — дип гаҗәпләнде Инсян карт.
— Ул элек шулай булгандыр, ә без хәзер современный авылда, мал-туары юк булган авылда, культурный гына яшәргә тырышабыз, — диде русчалатып “Озын Мәнсура” этен сыйпап.
— Современный авыл, Современный Мәнсура, — дип үзалдына сөйләнеп китеп барды Инсян карт үз урамындагы бу хәлне башына сыйдырмыйча.
— Бу бит шофер Маннур кызы шулай кылына. Оныткан, оныткан бит үзенең катык ашап үскән чакларын.Катык ашап үскән дә, ай-һай үзгәргән Мәнсура.
Мәнсура гына түгел, авылның да элеккеге йөзе кайдадыр: үзгәрә, югала бара бугай. Элек елларда авылда сыер, сарык асрамый торган кешеләрдән көлсәләр, хәзер “современный Мәнсуралар” мал-туар асраучылардан көлә башладылар. Бу авылның асты өскә килде дигәнне аңлата түгелме соң?!
Бусы бер хәл, әле моның янына башкаларын да тезештерергә була бит. Кайберәүләр авыл морҗасыннан чыккан төтенен дә яратмый башладылар инде. Соңгы вакытларда Инсян картның уң яктагы күршеләре: “Бабай мунчаңның төтене авызыбызга керә, хәзер мунчасыз да яшәп була бит”, – дип йомшак кына аңа душ кабинасын алуны тәкъдим иттеләр.
Авыл очында “Озын Мәнсурага” — сарыклар, уң як күршегә — мунча төтене, сул як күршегә әтәч кычкырганы ярамаса, Алла белсен, гомере буе авылны үз иткән Инсян картка киләчәктә ничек яшәргәдер?
Рөстәм Арифуллин.
Иске Кулаткы.

Постоянная ссылка на это сообщение: http://kumiakk.ru/?p=1636

2 комментария

  1. Озын Мәнсура

    Шул Озын татар кирякмягәнян башка нәрсядәме яза белми, әйбәтрәк булыр иде уз эшебелян шөгыльләнсә, фоторясем белян.

    1. Рөстәм Арифуллин

      Бу язманы укыганыгыз өчен олы рәхмәт! Димәк ул сезне кызыктырган һәм язма отышлы килеп чыкканлыгы турында аңлата. Әлеге нәсердә конкрет итеп беркемдә гаепләнми һәм андагы геройлар гомуми образ гына. Ә бәлки сез анда үзегезне төп герой итеп тә сизгәнсездер. Сезнең кечкенә, минем озын булып тууымда беркемнең дә гаепләп булмый бит инде. Ә миңа нинди эш белән шөгыльләнергә сезнең эшегез юк дип уйлыйм һәм аның турында
      миннән дә озын, сездән ай-һай югарыда утыраган кешеләр бик шәп беләләр.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>