Уңыш җыю дәвам итә

Иске Кулаткы районының кырларында кызу урак өсте бара. «Бахтеевка» производство кооперативының кыр эшчәннәре дә бу кампаниядә актив катнашалар. Әлеге хуҗалык үзенең кырларында 117 гектарда уҗым арышы, 561 гектарда уҗым бодае, 438 гектарда арпа, 430 гектарда солы һәм 100 гектарда сабан бодае үстерде.
— Хәзерге вакытта кыр эшчәннәребез бөртекле культураларны җыюда бар тырышлыкларын куеп хезмәт итәләр һәм һәр гектардан уртача 25 центнер уңыш тәшкил итә,  — дип сөйли хуҗалык җитәкчесе Илья Николаевич Арланов.
Моның турында материалны “Күмәк көч” район газетасының киләсе санында тулаем укый аласыз.