Июл 07 2021
Гаилә – бәхет ачкычы
8 июль — Россиядә гаилә, мәхәббәт һәм тугрылык көне билгеләнә. Гаиләләр бәхетле булганда гына, илебез көчле була. Аның иң зур байлыгы — тырыш, хезмәт сөючән халкы, тату гаиләләре. Шунысы сөенечле: районда да яхшы, дус-тату яшәүче гаиләләр бихисап. Иске Кулаткы эшчеләр бистәсендә яшәүче Гөлнара Фәритовна һәм Раил Рушанович Байбиковлар да үрнәк гаиләләрнең берсе. Әлеге гаилә тормыш мәшәкатьләренә бирелмичә, үз мәхәббәтләрен саклап, матур итеп яши. Аларның гаилә коруларына да 12 ел инде. Өлкән уллары Тимур Иске Кулаткы беренче номерлы урта мәктәбендә белем ала, ул бик тырыш, белемгә омтылучан бала, V сыйныфны «5»ле билгеләренә генә тәмамлады. Ә инде кече уллары Кәрим күптән түгел генә «Гөлчәчәк» балалар бакчасы белән хушлашты, тиздән ул да I сыйныфка бара. Гөлнара Фәритовна һәм Раил Рушанович гаиләдә күп балалар булуын телиләр, шуңа да алар өченче тапкыр әти-әни булырга әзерләнә. Дәвамы газетаның 27 санында укыгыз.
Постоянная ссылка на это сообщение: https://kumiakk.ru/?p=4737
Свежие комментарии